برقعے کی موتیوں میں چھپے سونے کو اسمگل کرنے کی کوشش ناکام

سونا اسمگلنگ کرنے کا انوکھا طریقہ، بھارتی شہر حیدرآباد میں مہارت سے پلاننگ کی گئی سونے کی اسمگلنگ کسٹم حکام نے ناکام بنا دی۔

بھارتی میڈیا رپورٹ کے مطابق حیدرآباد کسٹمز نے ایک مسافر کے خلاف سونے کی اسمگلنگ کا مقدمہ درج کیا ہے جس نے بےحد مہارت سے 18 لاکھ مالیت کے سونے کو برقعے پر سلائی کی گئی موتیوں میں چھپایا ہوا تھا۔

رپورٹ کے مطابق مسافر 350 گرام سونے کو دبئی سے ملک میں اسمگل کرنے کے لئے تلنگانہ پہنچا تھا تاہم کسٹم حکام نے اس کی یہ کوشش ناکام بنا دی، حکام نے بتایا کہ سونا سیکڑوں موتیوں میں مہارت سے چھپایا گیا تھا جو برقعے پر سلے ہوئے تھے۔

بھارت کے شہر حیدرآباد کسٹمز کی جانب سے ٹوئٹر پر اس واقع کی ویڈیو بھی شئیر کی گئی ہے جس میں دیکھا جا سکتا ہے کہ ایک شخص برقعے سے موتیوں کو ہٹا کر سونا نکال رہا ہے۔

کسٹمز نے ملزم کے خلاف 350کلو گرام، 18 لاکھ روپے مالیت کے سونے کی اسمگلنگ کا مقدمہ درج کر لیا ہے، واقع کی فوٹیج کو سوشل میڈیا پر 6000 سے زیادہ ویووز مل چکے ہیں۔

Source

اس خبر پر اپنی رائے کا اظہار کریں