ایل این جی کی قیمت میں اضافہ

اسلام آباد:اوگرانے فروری کیلئے ایل این جی کی قیمت فروخت جاری کر دی جس کے مطابق فروری کیلئے ایل این جی کی قیمت میں اضافہ کر دیا گیا ہے۔

ترجمان آئل اینڈ گیس ریگولیٹری اتھارٹی (اوگرا)کی جانب سے جاری کردہ نوٹیفکیشن کے مطابق فروری کیلئےسوئی ناردرن سسٹم کیلئے ایل این جی کی فی یونٹ قیمت میں 0.88ڈالر اضافہ کیا گیا ہےجس کے بعد سوئی ناردرن سسٹم پر ایل این جی کی نئی قیمت 9.61ڈالر فی یونٹ مقرر کر دی گئی ہے۔

ترجمان نے مزید کہا کہ سوئی سدرن سسٹم پر ایل این جی کی قیمت میں0.89ڈالر فی یونٹ اضافہ کیا گیا جس کے بعد سوئی سدرن سسٹم پرایل این جی کی نئی قیمت9.35ڈالرفی ایم ایم بی ٹی یو مقرر کر دی گئی۔

خیال رہے کہ جنوری میں سوئی نادرن میں ایل این جی کی فی یونٹ قیمت 8.73ڈالر فی یونٹ تھی جبکہ جنوری میں سوئی سدرن پر ایل این جی کی فی یونٹ قییمت 8.46ڈالر فی یونٹ تھی۔

Source

اس خبر پر اپنی رائے کا اظہار کریں