حماد اظہر تبدیلی سرکار کے تیسرے وزیرخزانہ مقرر، نوٹیفکیشن جاری

اسلام آباد: سابق وزیر خزانہ حفیظ شیخ کو ہٹا کر بیرسٹر حماد اظہرکووفاقی وزیرخزانہ مقررکردیا گیا ، کابینہ ڈویژن نے نوٹیفکیشن جاری کردیا۔

تفصیلات کے مطابق گزشتہ روزوزیراعظم عمران خان نے مہنگائی کو کنٹرول نہ کرنے پر عبدالحفیظ شیخ کو وزیر خزانہ کے عہدے سے ہٹا دیا تھا اور ان سے استعفیٰ طلب کیاگیا، حفیظ شیخ کی جانب سے استعفیٰ کے بعد حماد اظہر کو وزیر خزانہ کا اضافی چارج دیاگیا ہے۔کابینہ ڈویژن کی جانب سے باقاعدہ نوٹیفکیشن بھی جاری کر دیا گیا ہے جس کے مطابق حفیظ شیخ کووفاقی وزیرکے عہدے سے ہٹادیا گیا ہے ۔ جبکہ حماد اظہرکووفاقی وزیرخزانہ مقررکردیا گیا ۔

واضح رہے کہ حماد اظہر پاکستان تحریک انصاف کی حکومت کے تیسرے وزیرخزانہ ہونگے،اس سے قبل اسد عمر کو یہ وزارت دی گئی تھی جن کے بعد عبدالحفیظ شیخ کو وزیر خزانہ بنایا گیا تھا۔وفاقی کابینہ میں مزید تبدیلیوں کا امکان بھی ظاہر کیا جارہا ہے۔

Source

اس خبر پر اپنی رائے کا اظہار کریں