لاہور اور راولپنڈی میں کل سے اسکول معمولات کے مطابق کھلیں گے،مرادراس

سماجی رابطے کی ویب سائٹ ٹوئٹر پر ایک ٹویٹ میں وزیر تعلیم پنجاب مراد راس نے لکھا کہ لاہور اور راولپنڈی میں کل سے اسکول معمولات کے مطابق کھلیں گے۔

مراد راس کا ٹویٹ میں مزید کہنا تھا کہ اسکولوں میں کورونا ایس او پیز پر عملدرآمد لازمی ہوگا۔

خیال رہے کہ 28جنوری 2022 کورونا کے دن بدن بڑھتے ہو ئے پھیلاؤ کے پیش نظر پنجاب حکومت نے پہلی سے چھٹی جماعت تک کے اسکولوں میں بچوں کی 50 فیصد حاضری کے احکامات جاری کیے تھے۔اس فیصلے کا اطلاق لاہوراورراولپنڈی کے تمام نجی و سرکاری اسکولوں پر تھا۔

سماجی رابطوں کی ویب سائٹ ’ٹوئٹر‘ پر صوبائی وزیر تعلیم ڈاکٹر مراد راس نے لکھا کہ اب چھٹی جماعت تک کے بچے 15 فروری تک 50 فیصد حاضری کے تحت اسکول آئیں گے۔

Source

اس خبر پر اپنی رائے کا اظہار کریں