اداکارہ فاطمہ ثنا شیخ بھی کورونا وائرس کا شکار

ممبئی: معروف بالی ووڈ اداکارہ فاطمہ ثنا شیخ بھی کورونا وائرس کا شکار ہو گئیں، اداکارہ نے انسٹاگرام سٹوری میں اطلاع دی کہ ان کا کورونا ٹیسٹ مثبت آگیا ہے۔

کورونا کی نئی لہر نے پاکستانکے بعد بھارت میں بھی تباہی مچارکھی ہے۔ بھارت میں ملک گیر لاک ڈاؤن کے باوجود وبا رکنے کا نام نہیں لے رہی۔ یہی وجہ ہے کورونا وائرس عوام کے ساتھ ساتھ بالی ووڈ کے کئی نامور فنکاروں کو اپنی لپیٹ میں لے چکا ہے۔اب تک لیجنڈری اداکار امیتابھ بچن، کارتک آریان ، ورون دھون، عامر خان، رنبیر کپور، عالیہ بھٹ سمیت کئی فن کار اس وباء کا شکار بن چکے ہیں اور اب دنگل فلم کی اداکارہ فاطمہ ثنا شیخ بھی کورونا وائرس میں مبتلا ہو گئی ہیں۔

فلم دنگل اور ٹھگ آف ہندوستان جیسی سپرہٹ فلموں میں عامر خان کے ساتھ کام کرنے والی فاطمہ ثنا شیخ نے انسٹا گرام پر کورونا میں مبتلا ہونے کی خبر شیئر کی جس میں انہوں نے لکھا کہ میرا کورونا ٹیسٹ مثبت آیا ہے جس کے بعد میں نے خود کو قرنطینہ کر لیا ہے۔فاطمہ ثنا نے یہ بھی کہا کہ میں اس وقت گھر پر ہوں اور احتیاطی تدابیر پر عمل کر رہی ہوں، ساتھ ہی انہوں نے اپنے مداحوں کا شکریہ بھی ادا کیا۔

Source

اس خبر پر اپنی رائے کا اظہار کریں