آرمی چیف سے قطری وزیر خارجہ کے خصوصی نمائندے کی ملاقات ، آئی ایس پی آر

راولپنڈی : آئی ایس پی آر کا کہنا ہے کہ آرمی چیف جنرل قمر جاوید باجوہ سے قطری وزیر خارجہ کے خصوصی نمائندے کی ملاقات ہوئی۔اس ملاقات میں باہمی دلچسپی پر گفتگو کی گئی۔

پاک فوج کے شعبہ تعلقات عامہ (آئی ایس پی آر) کے مطابق قطری وزارت خارجہ کےخصوصی نمائندے نے جی ایچ کیوکادورہ کیا۔ آرمی چیف جنرل قمرجاویدباجوہ سےقطری خصوصی نمائندےنے ملاقات کی، ملاقات میں ڈی جی آئی ایس آئی بھی شریک تھے۔

آئی ایس پی آر کے مطابق اس ملاقات میں باہمی دلچسپی اورعلاقائی سیکیورٹی،باہمی تعاون پربات چیت کی گئی، ملاقات میں افغانستان میں جاری مفاہمتی عمل پربھی تبادلہ خیال کیاگیا۔

آرمی چیف جنرل قمر جاوید باجوہ نے کہا کہ دونوں ممالک کےمابین تاریخی برادرانہ تعلقات ہیں،دونوں ملکوں کےباہمی تعلقات میں مزیدوسعت آئی ہے،قطری خصوصی نمائندےنےخطےمیں امن واستحکام کیلئےپاکستان کےکردارکی تعریف کی۔

Source

اس خبر پر اپنی رائے کا اظہار کریں