وزیر اعظم کی پی ٹی آئی امیدوار کو 20 پولنگ اسٹیشن پر دوبارہ پولنگ کی درخواست کرنے کی ہدایت

اسلام آباد: وزیر اعظم عمران خان نے پی ٹی آئی ڈسکہ امیدوار کو 20 پولنگ اسٹیشن پر دوبارہ پولنگ کی درخواست کرنے کی ہدایت کردی۔

تفصیلات کے مطابق وزیراعظم عمران خان نے این اے 75 ڈسکہ کے ضمنی انتخابات کے حوالے سے اہم ٹوئٹ کیا ہے ، وزیر اعظم عمران خان نے کہا میں نےہمیشہ آزادانہ و شفاف انتخابات کیلئے جدوجہدکی ہے۔اگرچہ الیکشن کمیشن کی جانب سےنتائج کےاعلان سےقبل اسکی کوئی قانونی حاجت نہیں مگر پھر بھی میں تحریک انصاف کےامیدوارسےگزارش کروں گا کہ وہ NA-75 ڈسکہ کےان 20 پولنگ اسٹیشنز جن پرحزب اختلاف واویلا کررہی ہے، میں دوبارہ پولنگ کا کہیں۔

وزیر اعظم نے کہا کہ ہم ہمیشہ آزادانہ اور شفاف انتخابی عمل کی تقویت کیلئےکوشاں رہیں گے مگر بدقسمتی سےدیگرجماعتوں میں اس حوالےسے سنجیدگی کا فقدان ہے۔ 2013 کے انتخابات کے بعد جب ہم نے 4 حلقے کھلوانا چاہے تو اس کیلئے ہمیں 2 برس کی طویل اور صبرآزما جدوجہد سے گزرنا پڑا۔

Source

اس خبر پر اپنی رائے کا اظہار کریں