وزیر اعظم کا بغیر پروٹوکول اسلام آباد کے مختلف علاقوں کا دورہ

اسلام آباد: وزیر اعظم عمران خان نے بغیر پروٹوکول اسلام آباد کے مختلف علاقوں کا دورہ کیا ہے۔ عمران خان کےساتھ وزیراعظم آفس کےعملےکاکوئی اہلکار نہیں تھا۔

تفصیلات کے مطابق وزیراعظم عمران خان نے بغیر پروٹوکول اسلام آباد کےمختلف علاقوں کادورہ کیا، چیئرمین سی ڈی اے عامر علی احمد وزیراعظم کے ہمراہ تھے۔وزیر اعظم عمران خان نے خود گاڑی ڈرائیو کی اور مختلف ٹریفک سگنلز پر عام شہریوں کی طرح رکتے بھی رہے۔وزیر اعظم نے ریڑھی بانوں اور عام لوگوں سے بات چیت بھی کی۔

ذرائع کے مطابق وزیر اعظم نےارجنٹائن پارک، ٹریل فائیو، مرغزار، مارگلہ روڈ کا دورہ کیا، وزیراعظم نےشجرکاری مہم میں لگائے گئے پودوں کوبھی چیک کیا، عمران خان نےاسلام آبادمیں مرمت کی گئی سڑکوں کامعائنہ بھی کیا۔

چیئرمین سی ڈی اے عامر علی احمد اور ایڈمنسٹریٹر شفق ہاشمی نے وزیر اعظم کو بریفنگ دی، عمران خان کےساتھ وزیراعظم آفس کےعملےکاکوئی اہلکار نہیں تھا۔

Source

اس خبر پر اپنی رائے کا اظہار کریں