کورونا وائرس : وزیرتعلیم نے تعلیمی اداروں کے حوالے سے اہم اعلان کردیا

سماجی رابطے کی ویب سائٹ ٹویٹر پر اپنے ایک پیغام میں صوبائی وزیر تعلیم مراد راس نے تعلیمی اداروں کے لیے نئے احکامات جاری کر دیئے۔

اپنے پیغام میں مراد راس نے لاہور اور راولپنڈی میں کلاس ون سے ششم تک پچاس فیصد طلباء کے ساتھ کلاسز کی ہدایت کی۔

صوبائی وزیر تعلیم مراد راس کا کہنا تھا کہ کلاس ون سے ششم تک پچاس فیصد طلباء کے ساتھ کلاسز ہونگی جبکہ باقی جماعتوں کی کلاسز شیڈول کے مطابق ہونگی۔

واضح رہے اس سے قبل راولپنڈی میں 24 تعلیمی اداروں کو کورونا وائرس کی وجہ سے سربمہر کیا گیا تھا۔

سربمہر کئے گئے اسکولوں میں گورنمنٹ گرلز ہائی اسکول کہوٹہ،گورنمنٹ گرلز ہائی اسکول کلیال اڈیالہ، گورنمنٹ گرلز ہائی اسکول ویسٹریج، گورنمنٹ گرلز ہائی اسکول صرافہ بازار اور گورنمنٹ گرلز ہائی اسکول ایلیٹ مری شامل ہیں۔

علاوہ ازیں گورنمنٹ گرلز ہائی اسکول کلرسیداں، گورنمنٹ گرلز ہائی اسکول مسلم ٹاؤن، گورنمنٹ گرلز ہائی اسکول چوکی برحد کوٹلی ستیاں، گورنمنٹ کوہ نور گرلز ہائی اسکول، گورنمنٹ بوائز ہائی اسکول چونگی22، گورنمنٹ ایلیٹ اسکول مورگاہ شامل ہیں۔

کالجز میں گورنمنٹ گارڈن کالج راولپنڈی، گورنمنٹ ایسوسی ایٹ کالج فار ویمن مری روڈ، گورنمنٹ ایسوسیٹ کالج فار ویمن ڈھوک کالا خان اور گورنمنٹ ایسوسی ایٹ کالج فار ویمن گوالمنڈی شامل ہیں۔

Source

اس خبر پر اپنی رائے کا اظہار کریں