35 رکنی قومی اسکواڈ کا کورونا ٹیسٹ منفی ، ٹیم کل جنوبی افریقہ روانہ ہوگی

لاہور: دورہ جنوبی افریقہ میں شامل قومی اسکواڈ کے تمام 35 ارکان کے کورونا ٹیسٹ کی رپورٹ منفی آگئی، قومی ٹیم کل صبح جوہانسبرگ روانہ ہوگی۔

پاکستان کرکٹ بورڈ کی جانب سے جاری بیان کے مطابق قومی اسکواڈ کے تمام 35 ارکان میں 22 کھلاڑی اور13 ٹیم آفیشلز شامل ہیں۔بتایا گیا کہ 35 ارکان کی کورونا رپورٹ منفی آگئی ہے۔قومی کرکٹ ٹیم کل صبح ساڑھے 9 بجے خصوصی طیارے کے ذریعے جوہانسبرگ روانہ ہوگی۔

دوسری جانب قومی ٹیم کے ہیڈ کوچ مصباح الحق نے لاہور میں ورچوئل پریس کانفرنس کی جس میں انہوں نے بتایا کہ تمام کھلاڑیوں کے کروناٹیسٹ کلیئر ہیں اور تمام کھلاڑی کل جنوبی افریقہ کے لئے سفر کریں گے۔مصباح الحق نے بتایا کہ جنوبی افریقہ کیخلاف سیریز اہم ہے، امید ہے کھلاڑی اچھی پرفارمنس دینگے۔ورچوئل پریس کانفرنس میں ہیڈ کوچ مصباح الحق کا کہنا تھا کہ شرجیل خان ہماری رضا مندی کے بغیر ٹیم میں نہیں آیا، ہم نے دائیں ہاتھ کے جارح مزاج بلے باز کے لئے لمبی پلاننگ کر رکھی ہے، سزا مکمل ہونے کے بعد شرجیل خان کو قانون کھیلنے سے نہیں روکتا۔

قومی ٹیم کے ہیڈ کوچ نے واضح کیا کہ کسی کھلاڑی کی فٹنس پر کوئی سمجھوتہ نہیں کیا جائے گا، شرجیل اپنی فٹنس کو بہتر بنانے کے لئے مسلسل کوشاں ہیں اور ان کی فٹنس میں بہتری آرہی ہے۔آئی سی سی کی ون ڈے رینکنگ میں پانچویں نمبر پر براجمان عماد وسیم سے متعلق ہیڈ کوچ نے کہا کہ عماد وسیم تجربہ کار کھلاڑی ہیں مگر دورہ جنوبی افریقا اور زمبابوے میں انہیں آرام دیا گیا ہے، ان کا کہنا تھا کہ یہ میری یا پی سی بی کی نہیں پاکستان کی ٹیم ہے۔ورچوئل پریس کانفرنس میں نے اس بات کی تردید کی کہ کوئی کھلاڑی بائیو سیکیورببل کی وجہ سے ذہنی تباؤ کا شکار نہیں ہوا، ہماری کوشش تھی کم سےکم وقت تک کھلاڑیوں کوببل میں رکھا جائے۔

Source

اس خبر پر اپنی رائے کا اظہار کریں